Жамбыл мектеп-гимназисы

Жамбыл  облысы  Мойынқұм  ауданы  Жамбыл  облысының  солтүстігіне  орналасқан,  облыс  көлемінің 44  пайызын   алып  жатыр.  Оңтүстігін  сексеуіл  өскен , аудан  аттас  құмдар  алып  жатса,  солтүстік  шығысында  Балқаш  көлі  мен  солтүстік  батысында  әйгілі  Бетпақдаламен  шектеседі.  Табиғаты  қатал  аумалы-төкпелі  болып  келеді-қыста   ауаның    температурасы  -30  градусқа  дейін  төмендейтін  болса,  жазда  күн  40-45  градусқа  дейін  ысиды.  Тұрғындарынын  дені  қазақтар-мал  шаруашылығымен  айналысады.  Ауданның  солтүстігі  өнеркәсіптік  аймақ  болып  есептелінеді:  онда  көмір,  алтын ,  барит  өндіріледі.  Және  облысымыздағы  атақты  Амангелді  газ  кеніші  де  біздің  ауданнынң аумағында  жатыр. Мойынқұм  ауданы  1965  жылы  құрылган,  бұрын  Коктерек  ауданы  болатын,  аудан  орталығы  Бірлік  ауылы  еді.  Айта  кету  керек  Кеңес  заманында  аудан  негізінен  қаракөл  өндірумен  айналысып,  соның арқасында  аты  шықты.  Атақты шопандар:  Жазылбек  Қуанышбаев,  Ділдаш  Итбасова  ,  Шоман  Шәріпбаев, қойды  жедел  қырқудан чемпион  Шотай  Тайбағаров  біздің  ауданның  ардагерлері.  Жаңа  заманда  ауданымыздан  әйгілі  желтоқсаншы, Халық  қаһарманы-  Қайрат  Рысқұлбеков  шықты.